Jan 27, 2010

Wo bhi insaan hai .........

Wo jo mohabbat karta hai, wo bhi hai insaan
Wo jo nafrat mein jalta hai, wo bhi hai insaan

Wo jo sapne sajaata hai, wo bhi hai insaan
wo jo unhe raundh ke jaata hai, wo bhi hai insaan

Wo jiski buinyaad hi jhoothi hai, wo bhi hai insaan
Wo jo sach ki fariyaad karta hai, wo bhi hai insaan

Wo jo sabko ruswa karta hai, wo bhi hai insaan
Aur wo jo khud pe hasta hai, wo bhi hai insaan

Jiska sach hi fareb hai, wo bhi hai insaan
Wo jo fareb se aazad hai, wo bhi hai insaan

Phir fark kaisa, us mein aur is mein?
Ek daulat ke nashe mein andha hai, ek khuda ka bashinda hai,
Ek sach ka paigaam hai, ek sachaai se anjaan hai,
Ek rab se darta hai, aur ek sabse mohabbat karta hai

Fark hai bas itna dono mein, agar samjho to
Ek sirf.... ek insaan hai, jo khud se abhi anjaan hai,
Aur ek wo farishta hai, jo insaaniyat ka nigehbaan hai

1 comment:

  1. same thoughts u can review in my poem tears....
    http://lotusindia4divya-universalbrotherhood.blogspot.com/


    human is it self challenge to be towards perfection...Nirvan.....to be come compelte...nice expression...what v r finally human.....some ppl cant develop due to their surroundings, poverty n lacking of opportunity!

    ReplyDelete