Dec 27, 2008

Sher-o-shayaree

Here is a b'ful response to some random thoughts I shared, a while back. For those who read and understand Urdu poetry, it's a must read -----

Suna hai log usay aankh bhar kay dekhtey hain
So, uskay shahar mein kuch din thehar ke dekhtey hain,

Suna hai rabt hai usko kharab haloon se,
So apnay aap ko barbad kar kay dekhtey hain

Suna hai dard ki gahak hai chashm-e-naz us ki,
So hum bhi uski gali say guzar ke daikhtay hain

Suna hai usko bhi hai sher-o-shairee say shagaf,
So hum bhi mojzay apnay hunar ke dekhtey hain

Suna hai bolay to batoun say phool jhartay hain,
Ye baat hai to chalo baat kar ke dekhtey hain

Suna hai raat usay chand takta rehta hai,
Sitarey bahme falak se, utar ke dekhtey hain

Suna hai din ko usay titliyan satatee hain
Suna hai raat ko jugnu thehar kay dekhtey hain

Suna hai us kay badan ki tarash aisee hai,
Kay phool apni qabahain utaar key dekhtey hain

Suna hai uskay shbistan say mutassil hai bahisht,
Makeen udhar kay bhee, jalway idhar dekhtey hain

Suna hai woh rukay to gardishan us ka tawaf karti hain,
Chaley to usko zamaney thehar kay dekhtey hain,

Kissay naseeb kay bepairhan ussey dekhtey hain,
kabhi kabhi daro deewar ghar ke dekhtey hain,

Kahanian he sahee, sub mubaalgay he sahee,
Agar woh khwab hai, to tabeer kar ke dekhtey hain

Ab us kay shaher main theharein kay kooch kar jaayein?
Faraz aoo sitaarey safar key dekhtey hain..............

No comments:

Post a Comment